Гісторыя, традыцыі, дасягненні

Установа адукацыі функцыянуе з 1978 года,падпарадкоўваецца Аддзелу па адукацыі Кобрынскага райвыканкама.У дашкольнай установе працуе дзве разнаўзроставыя групы ад 2 да 7 гадоў.Адукацыйны працэс у групах ажыццяўляецца на беларускай мове.Установа рэалізуе вучэбную праграму дашкольнай адукацыі.

Прыярытэтным у працы з'яўляецца захаванне і ўмацаванне здароўя дзяцей,забеспячэнне ўсебаковага развіцця выхаванцаў,фарміраванне першапачатковых уяўленняў аб родным краі і паважлівага да яго стаўлення, выхаванне маральнасці, патрыятычных пачуццяў, грамадзянскасці і працавітасці,датычнасці да сучасных падзей, далучэнне да нацыянальных каштоўнасцей і культурных традыцый.

Традыцыі

разгарнуць » / « згарнуць

За шматгадовую гісторыю дзіцячага сада, у ім склалася шмат добрых традыцый, якім мы ўсе з задавальненнем падтрымліваемся. Асаблівае месца сярод іх займае правядзенне разнастайных святаў: "Дзень бацькі", "Новы год", "Дзень Абаронцы Айчыны", "Матулін дзень","Да пабачэння, дзіцячы сад!", "Калядкі", "Гуканне Вясны", "Свята Купалле".

Асаблівае месца сярод іх займае правядзенне дзяржаўных святаў: Дзень Незалежнасці Рэспублікі Беларусь, Дзень народнага адзінства, Дзень абаронцаў Айчыны і Узброеных сіл Рэспублікі Беларусь, Дзень Дзяржаўнага герба і сцяга Рэспублікі Беларусь , Дзень Перамогі і.т.д. Таксама штогод прымаем удзел у раённай акцыі "Чытаем, спяваем і размаўляем па-беларуску", прысвечанай Міжнароднаму дню роднай мовы,за ўдзел ў якой у 2022 годзе Аддзелам па адукацыі Кобрынскага райвыканкама ўстанове выражана падзяка.

Па традыцыі, на працягу навучальнага года, праводзяцца выставы сумесных работ дзяцей і бацькоў, сумесныя мерапрыемствы з бацькамі і выхаванцамі; працоўныя акцыі па добраўпарадкаванні тэрыторыі ўстановы дашкольнай адукацыі; ушанаванне работнікаў-ветэранаў установы дашкольнай адукацыі; удзел калектыву ўстановы ў дабрачынных акцыях і мерапрыемствах.